Adaik Basandi Sarak, Sarak Basandi Kitabullah?

Di Indonesia terdapat dua suku yang kental dengan agama Islam, pertama negri Serambi Mekah yang terkenal dengan hukum syariahnya dan Negri Andalas yang terkenal dengan pepatahnya “Adaik basandi Sarak,  Sarak Basandi Kitabullah”. Namun sangat disayangkan kedua negri ini pernah diluluh lantakkan oleh keperkasaan Yang Maha Kuasa. Tentunya sebagai orang Islam kita meyakini bahwa Allah tidak akan menghancurkan suatu negri atau kaum kecuali dalam negri tersebut telah tersebar kemungkuran dan kemaksiatan. Ya, jika kemungkaran telah meraja lela dan amar ma’ruf nahi mungkar hilang dari permukaan negri tersebut maka tunggulah kehancurannya.

Aceh ditelan Tsunami pada tahun 2004 silam, zat cair tersebut merangkak kedaratan untuk menghancurkan semua  zat padat yang dilaluinya, ia ingin menyampaikan pesan bahwa jika Allah taala berkata “kun fa yakun” maka terjadilah semua yang dikehendaki-Nya, apa  kesalahan mereka? Hanya Allah yang tau.

Sedangkan Bumi Andalas disapa Gempa pada 2009 lalu, bumi yang terlihat diam itu meluluh lantakkan semua yang ada diatasnya. Sungguh Allah taala “Fa’allul lima Yurid”. Tidak seorangpun mampu menolak dan  menghentikan takdir-Nya.

Dulu Minangkabau sangaik disagani bangso lain, Minangkabau dikenal dengan tutur katonyo nan manih, ramah tamah, elok budi, urang barilmu dan baradaik. Kini sadonyo hampia hilang, pujian dan sanjuangan tu hilang ditelan peradaban. Itu karano barubahnyo generasi Minangkabau, mereka yang dulunyo cinto ilmu, kini banyak nan tagilo-gilo harato, dulu banyak nan bakarajo kareh kini banyak urang Minang nan pamaleh.

Dulu kito tau kato mandaki, kato manurun, kato mandata jo kato malereang, kini sadonyo disapu rato jo caruik maruik. Ndak tantu mamak, ndak tau sumando, bako, urang tuo. Kalau mengicek asa kalua sajo dari muluik tu, lah hilang dari urang awak “manguok dulu baru mangango, bapikia dulu baru bakato”.

 Dulu para remaja dan pemuda tampaik bakumpuanyo di Musajik jo surau mankaji hadist jo Al-quran. Kini tuo mudo bakumpau dikadai, lapau   atau rumah tingga untuak mankaji kartu remi jo domino. Dan nan paliang manusuak hati, urang-urang tu bahampok, bajudi di muko musajik pulo.

Dulu niniak mamak tugaihnyo, Anak dipangku, kamunakan dibimbiang. Kini, anak dicalaik dari jauah, kamunakan balengahkan. Dulu anak gadih Minang kalua rumah pakai panutuik kapalo, kini calon bundo kanduang, panjago rumah nan gadang kalua rumah tanpa panutuik paho. Tu malenggok-lenggok pulo di muko laki-laki, gincu yo sabana taba, baju ketat pulo, ibilih nan kabalabo kalau bantuak itu.

Dulu katiko gadih minang manangguang aib karano dulu bajak dari pado kabau, urang tuonyo, bahkan urang sakampuang salimbago manungguang malu kasadonyo. Saraso gunuang marapi jo singgalang diateh kapalo, antah kamano muko keluarganyo disuruakkan. Surang babuek kasadonyo mananggungkan. Surang makan cubadak, kasadonyo kanai  gatahnyo, saikui kabau bakubang, sakandang kanai luluaknyo.  Tapi kini, anak gadihnyo buncik, urang tuo galak-galak sengeang sajo. Ndak doh malunyo seketek juo doh, antah lai mangaratinyo bahwa anaknyo dinodai dek nak bujang urang, bahwa anak gadihnyo bukan gadih elok-elok, bahwa cucunyo merupakan anak zina atau anak haram bak kato urang.

Dulu kajujuran manjadi pakaian urang Minang, kini jujur lah bagadaian untuak kauntuangan pribadi, mangkonyo banyak mancik badasi nan makan padi dilumbuangnyo.

Kalau dirantau kini urang Minang terkenal dengan pelitnya, urang minang tu licik dan ciluah. Taimpik ndak diateh, takuruang ndak dilua. Karajo saketek, upah ndak banyak. Ilmu batingakan, agamo balupokan.

Antah bilo masonyo kito mambangkik batang tarandam, managakkan tali nan lah kandua, mahiduikan api nan alah puduik. Istilah “patah tumbuah, hilang baganti” tingga kato-kato. Landasan kito “adaik basandi sarak, sarak basandi kitabullah” hiasan carito sajo. Buktinyo nihil untuak zaman kiniko. Maratok Gunuang Singgalang mancalaik tingkah laku urang minang pado zaman kini, manangih Gunuang Pasaman maliek kemerosotan anak nagari, kalau alah berang Gunuang Marapi, habih Luhak Nan Tigo dibueknyo.

Solusinyo mari wak babaliak ka jati diri urang Minang yang berpedoman kapado kitabullah, tantunyo dengan manjalankan parintah Allah jo Rasulnyo.

Semoga hari esok lebih baik dari pada hari ini, semoga tanah Minang kembali hijau, menumbuhkan dan melahirkan urang-urang hebat seperti Hamka, M. NatsirBung Hatta, Tuanku Imam Bonjol, Alkhatib Al-minangkabawy dan orang hebat lainnya. Dan kita berdoa agar “adaik basandi sarak, sarak basandi kitabullah” benar-benar ditegakkan di Bumi Andalas yang kita cintai ini.